بۆت نووسیوم بۆت بنووسم ئه‌من چیم؟

 
دوندی قه‌ندیل ، گۆڕه‌پانی هه‌ڵگورد نیم

به‌ره‌و به‌رزایی ده‌چم گه‌رچی وردم

 
خاكی به‌رپێی تێكۆشه‌رێكی كوردم

بوشه هیدیکی که گه وزیوه له نیو خوین ده گریم

بو هه وفالیکی که چوو بی سه ر و بی شوین ده گریم

تا به ده ستی په ری ئازادی له سه ر گوری شه هید

گوله شللیره له گشت لا یه کی نه روین ده گریم

مه‌ڕێژن بۆم فرمێسكی غه‌م
مه‌ڕێژن بۆم فرمێسكی غه‌م كه‌ سوور بووه‌ له‌ خوێن جه‌سته‌م
شه‌هیدی ده‌ستی زۆردارم به‌ڵام ئۆخه‌ی كه‌ پێشمه‌رگه‌م
ئه‌و ڕێگای كه‌ من بۆی كوژرام ، له‌ ناو گۆریش دا دڵنیام
كه‌ ئێوه‌ی شۆڕشگێری كورد ، وونی ناكه‌ن خوێن و هیوام
مه‌ڕێژن بۆم فرمێسكی غه‌م كه‌ سوور بووه‌ له‌ خوێن جه‌سته‌م
شه‌هیدی ده‌ستی زۆردارم به‌ڵام ئۆخه‌ی كه‌ پێشمه‌رگه‌م
خه‌باتم كرد له‌ ژیانم ، هه‌ر بۆ گه‌ل و نیشتمانم
ده‌با لاوان له‌ یادتان بم، كه‌ قوربانی كوردستانم
مه‌ڕێژن بۆم فرمێسكی غه‌م كه‌ سوور بووه‌ له‌ خوێن جه‌سته‌م
شه‌هیدی ده‌ستی زۆردارم به‌ڵام ئۆخه‌ی كه‌ پێشمه‌رگه‌م

ده‌ست له‌ چه‌كم هه‌ڵ ناگرم یا سه‌ر ئه‌كه‌وم یا ئه‌مرم
من پێشمه‌رگه‌ی كوردستانم ئاماده‌ی جه‌رگه‌ی مه‌یدانم
به‌ سه‌ر و ماڵ و ژیانم ئه‌ی پارێزم نیشتمانم
ده‌ست له‌ چه‌كم هه‌ڵ ناگرم یا سه‌ر ئه‌كه‌وم یا ئه‌مرم
نامهه‌وێ ژینی ژێر ده‌ستی پره‌ له‌ شووره‌یی و په‌ستی
تا خاك وگه‌ل ڕزگار ئه‌كه‌م سه‌ر ئه‌ده‌م نرخی سه‌ربه‌ستی

وه ته ن گیان و سه رو مالم فیدای تو

                                                        وه گیانی من که وی ده رد و به لای تو

        له پیناوده نیم سه ر تا بزانی

                                             منم رولیکی ئازا و باوه فای تو

       له بو پاراستن و حیفزی سنوورت

                                                 له باتی (ماژینو)سینگم قه لای تو

       ده بی من چون بژیم مه سروور و دلشاد

                                                          که ده ت بینم له ده س بیگا نه ی تو

       ده بی که ی سه ر به خو بی تو هه تا من

                                              به سه ر به ستی بکه م سه یر و سه فا ی تو

      به شینکه و گول سه راسه ر سوور و شینه

                                                              چ جوانه دیمه نی کیو و چیای تو

       له گه ل تو بو نه جاتی نیشتمانت

                                             ده ده ن (قه ندیل)!هه ول خو شک و برای تو

گه رچی تووشی ره نجه رویی و حسره ت و ده ردم ئه من

قه ت له ده س ئه م چه رخه سپله نابه زم مه ردم ئه من

گه ر له برسان له به ر بی به رگی ئیمرو ره ق هه لیم

له ت لهتم که ن بمکوژن هیشتا ده لیم کوردم ئه من  

به‌ تاسه‌ و هیوای باب و باپیرم
به‌ ڕێگای به‌رزی پێشه‌وای ژیرم
به‌ چه‌كی شانم باوه‌ر و بیرم
به‌و خۆره‌ی له‌ نێو هه‌ورا ئه‌سیرم

ڕاپه‌ریوم وا له‌ كۆڕی به‌زمی تێكۆشانه‌وه‌
شان به‌ شانی ڕۆڵه‌كانی نیشتمانی جوانه‌وه‌
من له‌ ناو جه‌رگه‌ی خه‌باتی شۆڕشی ئێرانه‌وه‌
سه‌ر له‌ پێناوم له‌ خزمه‌ت خاكی كوردستانه‌وه‌
هه‌ڵگری به‌یداخی سووری ڕێی شه‌هیدانم ئه‌من
چۆمی خوڕێنی به‌هارانم پشوو دانم نییه‌
بێ ووچان هه‌ر وا ده‌هاژێم و هه‌دا دانم نییه‌
من شه‌پۆلی سه‌ركشی ده‌ریام و ئارامم نییه‌
گه‌ر به‌ سه‌ربه‌ستی نه‌ژیم من ژینی په‌ستیم بۆچییه‌
هاژه‌هاژی قه‌ڵبه‌زه‌ی به‌فراوی كوێستانم ئه‌من
شێری مه‌یدانی نه‌به‌رد و ڕاپه‌رینم هه‌ر به‌ گوڕ
من به‌ نركه‌م داده‌ خورپێنم دڵی دوژمن له‌ پڕ
وێنه‌ی داره‌ به‌نی پیرم به‌ ده‌م كوێستانی چڕ
باغی بێ په‌روام ئه‌من تیژه‌ هه‌ڵۆم و به‌رزه‌فڕ
وه‌ك بروسكه‌ و گرمه‌ی هه‌وری به‌هارانم ئه‌من